בהר סיניי

כה,א וַיְדַבֵּר יְהוָה אֶל-מֹשֶׁה, בְּהַר סִינַי לֵאמֹר.	וּמַלֵּיל יְיָ עִם מֹשֶׁה, בְּטוּרָא דְּסִינַי לְמֵימַר.
כה,ב דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם, כִּי תָבֹאוּ אֶל-הָאָרֶץ, אֲשֶׁר אֲנִי נֹתֵן לָכֶם--וְשָׁבְתָה הָאָרֶץ, שַׁבָּת לַיהוָה.	מַלֵּיל עִם בְּנֵי יִשְׂרָאֵל, וְתֵימַר לְהוֹן, אֲרֵי תֵּיעֲלוּן לְאַרְעָא, דַּאֲנָא יָהֵיב לְכוֹן--וְתַשְׁמֵיט אַרְעָא, שְׁמִטְּתָא קֳדָם יְיָ.
כה,ג שֵׁשׁ שָׁנִים תִּזְרַע שָׂדֶךָ, וְשֵׁשׁ שָׁנִים תִּזְמֹר כַּרְמֶךָ; וְאָסַפְתָּ, אֶת-תְּבוּאָתָהּ.	שֵׁית שְׁנִין תִּזְרַע חַקְלָךְ, וְשֵׁית שְׁנִין תִּכְסַח כַּרְמָךְ; וְתִכְנוֹשׁ, יָת עֲלַלְתַּהּ.
כה,ד וּבַשָּׁנָה הַשְּׁבִיעִת, שַׁבַּת שַׁבָּתוֹן יִהְיֶה לָאָרֶץ--שַׁבָּת, לַיהוָה:  שָׂדְךָ לֹא תִזְרָע, וְכַרְמְךָ לֹא תִזְמֹר.	וּבְשַׁתָּא שְׁבִיעֵיתָא, נְיָח שְׁמִטְּתָא יְהֵי לְאַרְעָא--דְּתַשְׁמֵיט, קֳדָם יְיָ:  חַקְלָךְ לָא תִּזְרַע, וְכַרְמָךְ לָא תִּכְסַח.
כה,ה אֵת סְפִיחַ קְצִירְךָ לֹא תִקְצוֹר, וְאֶת-עִנְּבֵי נְזִירֶךָ לֹא תִבְצֹר:  שְׁנַת שַׁבָּתוֹן, יִהְיֶה לָאָרֶץ.	יָת כָּתֵי חֲצָדָךְ לָא תִּחְצוּד, וְיָת עִנְּבֵי שִׁבְקָךְ לָא תִּקְטוּף:  שְׁנַת שְׁמִטְּתָא, יְהֵי לְאַרְעָא.
כה,ו וְהָיְתָה שַׁבַּת הָאָרֶץ לָכֶם, לְאָכְלָה--לְךָ, וּלְעַבְדְּךָ וְלַאֲמָתֶךָ; וְלִשְׂכִירְךָ, וּלְתוֹשָׁבְךָ, הַגָּרִים, עִמָּךְ.	וּתְהֵי שְׁמִטַּת אַרְעָא לְכוֹן, לְמֵיכַל--לָךְ, וּלְעַבְדָךְ וּלְאַמְתָּךְ; וְלַאֲגִירָךְ, וּלְתוֹתָבָךְ, דְּדָיְרִין, עִמָּךְ.
כה,ז וְלִבְהֶמְתְּךָ--וְלַחַיָּה, אֲשֶׁר בְּאַרְצֶךָ:  תִּהְיֶה כָל-תְּבוּאָתָהּ, לֶאֱכֹל.  {ס}	וְלִבְעִירָךְ--וּלְחַיְתָא, דִּבְאַרְעָךְ:  תְּהֵי כָּל עֲלַלְתַּהּ, לְמֵיכַל.  {ס}
כה,ח וְסָפַרְתָּ לְךָ, שֶׁבַע שַׁבְּתֹת שָׁנִים--שֶׁבַע שָׁנִים, שֶׁבַע פְּעָמִים; וְהָיוּ לְךָ, יְמֵי שֶׁבַע שַׁבְּתֹת הַשָּׁנִים, תֵּשַׁע וְאַרְבָּעִים, שָׁנָה.	וְתִמְנֵי לָךְ, שְׁבַע שְׁמִטָּן דִּשְׁנִין--שְׁבַע שְׁנִין, שְׁבַע זִמְנִין; וִיהוֹן לָךְ, יוֹמֵי שְׁבַע שְׁמִטָּן דִּשְׁנִין, אַרְבְּעִין וּתְשַׁע, שְׁנִין.
כה,ט וְהַעֲבַרְתָּ שׁוֹפַר תְּרוּעָה, בַּחֹדֶשׁ הַשְּׁבִעִי, בֶּעָשׂוֹר, לַחֹדֶשׁ; בְּיוֹם, הַכִּפֻּרִים, תַּעֲבִירוּ שׁוֹפָר, בְּכָל-אַרְצְכֶם.	וְתַעְבַּר שׁוֹפַר יַבָּבָא, בְּיַרְחָא שְׁבִיעָאָה, בְּעַסְרָא, לְיַרְחָא; בְּיוֹמָא, דְּכִפּוּרַיָּא, תַּעְבְּרוּן שׁוֹפָרָא, בְּכָל אֲרַעְכוֹן.
כה,י וְקִדַּשְׁתֶּם, אֵת שְׁנַת הַחֲמִשִּׁים שָׁנָה, וּקְרָאתֶם דְּרוֹר בָּאָרֶץ, לְכָל-יֹשְׁבֶיהָ; יוֹבֵל הִוא, תִּהְיֶה לָכֶם, וְשַׁבְתֶּם אִישׁ אֶל-אֲחֻזָּתוֹ, וְאִישׁ אֶל-מִשְׁפַּחְתּוֹ תָּשֻׁבוּ.	וּתְקַדְּשׁוּן, יָת שְׁנַת חַמְשִׁין שְׁנִין, וְתִקְרוֹן חֵירוּתָא בְּאַרְעָא, לְכָל יָתְבַהָא; יוֹבֵילָא הִיא, תְּהֵי לְכוֹן, וּתְתוּבוּן גְּבַר לְאַחְסָנְתֵיהּ, וּגְבַר לְזַרְעִיתֵיהּ תְּתוּבוּן.
כה,יא יוֹבֵל הִוא, שְׁנַת הַחֲמִשִּׁים שָׁנָה--תִּהְיֶה לָכֶם; לֹא תִזְרָעוּ--וְלֹא תִקְצְרוּ אֶת-סְפִיחֶיהָ, וְלֹא תִבְצְרוּ אֶת-נְזִרֶיהָ.	יוֹבֵילָא הִיא, שְׁנַת חַמְשִׁין שְׁנִין--תְּהֵי לְכוֹן; לָא תִּזְרְעוּן--וְלָא תִּחְצְדוּן יָת כָּתַהָא, וְלָא תִּקְטְפוּן יָת שִׁבְקַהָא.
כה,יב כִּי יוֹבֵל הִוא, קֹדֶשׁ תִּהְיֶה לָכֶם; מִן-הַשָּׂדֶה--תֹּאכְלוּ, אֶת-תְּבוּאָתָהּ.	אֲרֵי יוֹבֵילָא הִיא, קֻדְשָׁא תְּהֵי לְכוֹן; מִן חַקְלָא--תֵּיכְלוּן, יָת עֲלַלְתַּהּ.
כה,יג בִּשְׁנַת הַיּוֹבֵל, הַזֹּאת, תָּשֻׁבוּ, אִישׁ אֶל-אֲחֻזָּתוֹ.	בְּשַׁתָּא דְּיוֹבֵילָא, הָדָא, תְּתוּבוּן, גְּבַר לְאַחְסָנְתֵיהּ.
כה,יד וְכִי-תִמְכְּרוּ מִמְכָּר לַעֲמִיתֶךָ, אוֹ קָנֹה מִיַּד עֲמִיתֶךָ--אַל-תּוֹנוּ, אִישׁ אֶת-אָחִיו.	וַאֲרֵי תְּזַבֵּין זְבִינִין לְחַבְרָךְ, אוֹ תִּזְבּוֹן מִיַּד חַבְרָךְ--לָא תּוֹנוֹן, גְּבַר יָת אֲחוּהִי.
כה,טו בְּמִסְפַּר שָׁנִים אַחַר הַיּוֹבֵל, תִּקְנֶה מֵאֵת עֲמִיתֶךָ; בְּמִסְפַּר שְׁנֵי-תְבוּאֹת, יִמְכָּר-לָךְ.	בְּמִנְיַן שְׁנַיָּא בָּתַר יוֹבֵילָא, תִּזְבּוֹן מִן חַבְרָךְ; בְּמִנְיַן שְׁנֵי עֲלַלְתָּא, יְזַבֵּין לָךְ.
כה,טז לְפִי רֹב הַשָּׁנִים, תַּרְבֶּה מִקְנָתוֹ, וּלְפִי מְעֹט הַשָּׁנִים, תַּמְעִיט מִקְנָתוֹ:  כִּי מִסְפַּר תְּבוּאֹת, הוּא מֹכֵר לָךְ.	לְפֹם סַגְיוּת שְׁנַיָּא, תַּסְגֵּי זְבִינוֹהִי, וּלְפֹם זְעֵירוּת שְׁנַיָּא, תַּזְעַר זְבִינוֹהִי:  אֲרֵי מִנְיַן עֲלַלְתָּא, הוּא מְזַבֵּין לָךְ.
כה,יז וְלֹא תוֹנוּ אִישׁ אֶת-עֲמִיתוֹ, וְיָרֵאתָ מֵאֱלֹהֶיךָ:  כִּי אֲנִי יְהוָה, אֱלֹהֵיכֶם.	וְלָא תּוֹנוֹן גְּבַר יָת חַבְרֵיהּ, וְתִדְחַל מֵאֱלָהָךְ:  אֲרֵי אֲנָא יְיָ, אֱלָהֲכוֹן.
כה,יח וַעֲשִׂיתֶם, אֶת-חֻקֹּתַי, וְאֶת-מִשְׁפָּטַי תִּשְׁמְרוּ, וַעֲשִׂיתֶם אֹתָם--וִישַׁבְתֶּם עַל-הָאָרֶץ, לָבֶטַח.	וְתַעְבְּדוּן, יָת קְיָמַי, וְיָת דִּינַי תִּטְּרוּן, וְתַעְבְּדוּן יָתְהוֹן--וְתִתְּבוּן עַל אַרְעָא, לְרֻחְצָן.
כה,יט וְנָתְנָה הָאָרֶץ פִּרְיָהּ, וַאֲכַלְתֶּם לָשֹׂבַע; וִישַׁבְתֶּם לָבֶטַח, עָלֶיהָ.	וְתִתֵּין אַרְעָא אִבַּהּ, וְתֵיכְלוּן לְמִסְבַּע; וְתִתְּבוּן לְרֻחְצָן, עֲלַהּ.
כה,כ וְכִי תֹאמְרוּ, מַה-נֹּאכַל בַּשָּׁנָה הַשְּׁבִיעִת:  הֵן לֹא נִזְרָע, וְלֹא נֶאֱסֹף אֶת-תְּבוּאָתֵנוּ.	וַאֲרֵי תֵּימְרוּן, מָא נֵיכוֹל בְּשַׁתָּא שְׁבִיעֵיתָא:  הָא לָא נִזְרַע, וְלָא נִכְנוֹשׁ יָת עֲלַלְתַּנָא.
כה,כא וְצִוִּיתִי אֶת-בִּרְכָתִי לָכֶם, בַּשָּׁנָה הַשִּׁשִּׁית; וְעָשָׂת, אֶת-הַתְּבוּאָה, לִשְׁלֹשׁ, הַשָּׁנִים.	וַאֲפַקֵּיד יָת בִּרְכְתִי לְכוֹן, בְּשַׁתָּא שְׁתִיתֵיתָא; וְתַעֲבֵיד, יָת עֲלַלְתָּא, לִתְלָת, שְׁנִין.
כה,כב וּזְרַעְתֶּם, אֵת הַשָּׁנָה הַשְּׁמִינִת, וַאֲכַלְתֶּם, מִן-הַתְּבוּאָה יָשָׁן; עַד הַשָּׁנָה הַתְּשִׁיעִת, עַד-בּוֹא תְּבוּאָתָהּ--תֹּאכְלוּ, יָשָׁן.	וְתִזְרְעוּן, יָת שַׁתָּא תְּמִינֵיתָא, וְתֵיכְלוּן, מִן עֲלַלְתָּא עַתִּיקָא; עַד שַׁתָּא תְּשִׁיעֵיתָא, עַד מֵיעַל עֲלַלְתַּהּ--תֵּיכְלוּן, עַתִּיקָא.
כה,כג וְהָאָרֶץ, לֹא תִמָּכֵר לִצְמִתֻת--כִּי-לִי, הָאָרֶץ:  כִּי-גֵרִים וְתוֹשָׁבִים אַתֶּם, עִמָּדִי.	וְאַרְעָא, לָא תִּזְדַּבַּן לַחְלוּטִין--אֲרֵי דִּילִי, אַרְעָא:  אֲרֵי דַּיָּרִין וְתוֹתָבִין אַתּוּן, קֳדָמָי.
כה,כד וּבְכֹל, אֶרֶץ אֲחֻזַּתְכֶם, גְּאֻלָּה, תִּתְּנוּ לָאָרֶץ.  {ס}	וּבְכֹל, אֲרַע אַחְסָנַתְכוֹן, פֻּרְקָנָא, תִּתְּנוּן לְאַרְעָא.  {ס}
כה,כה כִּי-יָמוּךְ אָחִיךָ, וּמָכַר מֵאֲחֻזָּתוֹ--וּבָא גֹאֲלוֹ, הַקָּרֹב אֵלָיו, וְגָאַל, אֵת מִמְכַּר אָחִיו.	אֲרֵי יִתְמַסְכַּן אֲחוּךְ, וִיזַבֵּין מֵאַחְסָנְתֵיהּ--וְיֵיתֵי פָּרִיקֵיהּ, דְּקָרִיב לֵיהּ, וְיִפְרוֹק, יָת זְבִינֵי אֲחוּהִי.
כה,כו וְאִישׁ, כִּי לֹא יִהְיֶה-לּוֹ גֹּאֵל, וְהִשִּׂיגָה יָדוֹ, וּמָצָא כְּדֵי גְאֻלָּתוֹ.	וּגְבַר, אֲרֵי לָא יְהֵי לֵיהּ פָּרִיק, וְתַדְבֵּיק יְדֵיהּ, וְיַשְׁכַּח כְּמִסַּת פֻּרְקָנֵיהּ.
כה,כז וְחִשַּׁב, אֶת-שְׁנֵי מִמְכָּרוֹ, וְהֵשִׁיב אֶת-הָעֹדֵף, לָאִישׁ אֲשֶׁר מָכַר-לוֹ; וְשָׁב, לַאֲחֻזָּתוֹ.	וִיחַשֵּׁיב, יָת שְׁנֵי זְבִינוֹהִי, וְיָתִיב יָת מוֹתָרָא, לִגְבַר דְּזַבֵּין לֵיהּ; וִיתוּב, לְאַחְסָנְתֵיהּ.
כה,כח וְאִם לֹא-מָצְאָה יָדוֹ, דֵּי הָשִׁיב לוֹ--וְהָיָה מִמְכָּרוֹ בְּיַד הַקֹּנֶה אֹתוֹ, עַד שְׁנַת הַיּוֹבֵל; וְיָצָא, בַּיֹּבֵל, וְשָׁב, לַאֲחֻזָּתוֹ.  {ס}	וְאִם לָא אַשְׁכַּחַת יְדֵיהּ, כְּמִסַּת דְּיָתִיב לֵיהּ--וִיהֵי זְבִינוֹהִי בְּיַד דִּזְבַן יָתֵיהּ, עַד שַׁתָּא דְּיוֹבֵילָא; וְיִפּוֹק, בְּיוֹבֵילָא, וִיתוּב, לְאַחְסָנְתֵיהּ.  {ס}
כה,כט וְאִישׁ, כִּי-יִמְכֹּר בֵּית-מוֹשַׁב עִיר חוֹמָה--וְהָיְתָה גְּאֻלָּתוֹ, עַד-תֹּם שְׁנַת מִמְכָּרוֹ:  יָמִים, תִּהְיֶה גְאֻלָּתוֹ.	וּגְבַר, אֲרֵי יְזַבֵּין בֵּית מוֹתַב קַרְתָּא מַקְּפָא שׁוּר--וִיהֵי פֻּרְקָנֵיהּ, עַד מִשְׁלַם שַׁתָּא דִּזְבִינוֹהִי:  עִדָּן בְּעִדָּן, יְהֵי פֻּרְקָנֵיהּ.
כה,ל וְאִם לֹא-יִגָּאֵל, עַד-מְלֹאת לוֹ שָׁנָה תְמִימָה--וְקָם הַבַּיִת אֲשֶׁר-בָּעִיר אֲשֶׁר-לא (לוֹ) חֹמָה לַצְּמִיתֻת לַקֹּנֶה אֹתוֹ, לְדֹרֹתָיו:  לֹא יֵצֵא, בַּיֹּבֵל.	וְאִם לָא יִתְפְּרֵיק, עַד מִשְׁלַם לֵיהּ שַׁתָּא שַׁלְמְתָא--וִיקוּם בֵּיתָא דִּבְקַרְתָּא דְּלֵיהּ שׁוּרָא לַחְלוּטִין לְדִזְבַן יָתֵיהּ, לְדָרוֹהִי:  לָא יִפּוֹק, בְּיוֹבֵילָא.
כה,לא וּבָתֵּי הַחֲצֵרִים, אֲשֶׁר אֵין-לָהֶם חֹמָה סָבִיב--עַל-שְׂדֵה הָאָרֶץ, יֵחָשֵׁב:  גְּאֻלָּה, תִּהְיֶה-לּוֹ, וּבַיֹּבֵל, יֵצֵא.	וּבָתֵּי פַּצְחַיָּא, דְּלֵית לְהוֹן שׁוּר מַקַּף סְחוֹר סְחוֹר--עַל חֲקַל אַרְעָא, יִתְחַשְׁבוּן:  פֻּרְקָנָא, יְהֵי לְהוֹן, וּבְיוֹבֵילָא, יִפְּקוּן.
כה,לב וְעָרֵי, הַלְוִיִּם--בָּתֵּי, עָרֵי אֲחֻזָּתָם:  גְּאֻלַּת עוֹלָם, תִּהְיֶה לַלְוִיִּם.	וְקִרְוֵי, לֵיוָאֵי--בָּתֵּי, קִרְוֵי אַחְסָנַתְהוֹן:  פֻּרְקַן עָלַם, יְהֵי לְלֵיוָאֵי.
כה,לג וַאֲשֶׁר יִגְאַל מִן-הַלְוִיִּם, וְיָצָא מִמְכַּר-בַּיִת וְעִיר אֲחֻזָּתוֹ בַּיֹּבֵל:  כִּי בָתֵּי עָרֵי הַלְוִיִּם, הִוא אֲחֻזָּתָם, בְּתוֹךְ, בְּנֵי יִשְׂרָאֵל.	וּדְיִפְרוֹק מִן לֵיוָאֵי, וְיִפְּקוּן זְבִינֵי בֵּיתָא וְקִרְוֵי אַחְסָנְתֵיהּ בְּיוֹבֵילָא:  אֲרֵי בָּתֵּי קִרְוֵי לֵיוָאֵי, אִנִּין אַחְסָנַתְהוֹן, בְּגוֹ, בְּנֵי יִשְׂרָאֵל.
כה,לד וּשְׂדֵה מִגְרַשׁ עָרֵיהֶם, לֹא יִמָּכֵר:  כִּי-אֲחֻזַּת עוֹלָם הוּא, לָהֶם.  {ס}	וַחֲקַל רְוַח קִרְוֵיהוֹן, לָא יִזְדַּבַּן:  אֲרֵי אַחְסָנַת עָלַם הוּא, לְהוֹן.  {ס}
כה,לה וְכִי-יָמוּךְ אָחִיךָ, וּמָטָה יָדוֹ עִמָּךְ--וְהֶחֱזַקְתָּ בּוֹ, גֵּר וְתוֹשָׁב וָחַי עִמָּךְ.	וַאֲרֵי יִתְמַסְכַּן אֲחוּךְ, וּתְמוּט יְדֵיהּ עִמָּךְ--וְתַתְקֵיף בֵּיהּ, יְדוּר וְיִתּוֹתַב וְיֵיחֵי עִמָּךְ.
כה,לו אַל-תִּקַּח מֵאִתּוֹ נֶשֶׁךְ וְתַרְבִּית, וְיָרֵאתָ מֵאֱלֹהֶיךָ; וְחֵי אָחִיךָ, עִמָּךְ.	לָא תִּסַּב מִנֵּיהּ חִיבֻלְיָא וְרִבִּיתָא, וְתִדְחַל מֵאֱלָהָךְ; וְיֵיחֵי אֲחוּךְ, עִמָּךְ.
כה,לז אֶת-כַּסְפְּךָ--לֹא-תִתֵּן לוֹ, בְּנֶשֶׁךְ; וּבְמַרְבִּית, לֹא-תִתֵּן אָכְלֶךָ.	יָת כַּסְפָּךְ--לָא תִּתֵּין לֵיהּ, בְּחִיבֻלְיָא; וּבְרִבִּיתָא, לָא תִּתֵּין מֵיכְלָךְ.
כה,לח אֲנִי, יְהוָה אֱלֹהֵיכֶם, אֲשֶׁר-הוֹצֵאתִי אֶתְכֶם, מֵאֶרֶץ מִצְרָיִם--לָתֵת לָכֶם אֶת-אֶרֶץ כְּנַעַן, לִהְיוֹת לָכֶם לֵאלֹהִים.  {ס}	אֲנָא, יְיָ אֱלָהֲכוֹן, דְּאַפֵּיקִית יָתְכוֹן, מֵאַרְעָא דְּמִצְרָיִם--לְמִתַּן לְכוֹן יָת אַרְעָא דִּכְנַעַן, לְמִהְוֵי לְכוֹן לֶאֱלָהּ.  {ס}
כה,לט וְכִי-יָמוּךְ אָחִיךָ עִמָּךְ, וְנִמְכַּר-לָךְ--לֹא-תַעֲבֹד בּוֹ, עֲבֹדַת עָבֶד.	וַאֲרֵי יִתְמַסְכַּן אֲחוּךְ עִמָּךְ, וְיִזְדַּבַּן לָךְ--לָא תִּפְלַח בֵּיהּ, פֻּלְחַן עַבְדִּין.
כה,מ כְּשָׂכִיר כְּתוֹשָׁב, יִהְיֶה עִמָּךְ; עַד-שְׁנַת הַיֹּבֵל, יַעֲבֹד עִמָּךְ.	כַּאֲגִירָא כְּתוֹתָבָא, יְהֵי עִמָּךְ; עַד שַׁתָּא דְּיוֹבֵילָא, יִפְלַח עִמָּךְ.
כה,מא וְיָצָא, מֵעִמָּךְ--הוּא, וּבָנָיו עִמּוֹ; וְשָׁב, אֶל-מִשְׁפַּחְתּוֹ, וְאֶל-אֲחֻזַּת אֲבֹתָיו, יָשׁוּב.	וְיִפּוֹק, מֵעִמָּךְ--הוּא, וּבְנוֹהִי עִמֵּיהּ; וִיתוּב, לְזַרְעִיתֵיהּ, וּלְאַחְסָנַת אֲבָהָתוֹהִי, יְתוּב.
כה,מב כִּי-עֲבָדַי הֵם, אֲשֶׁר-הוֹצֵאתִי אֹתָם מֵאֶרֶץ מִצְרָיִם; לֹא יִמָּכְרוּ, מִמְכֶּרֶת עָבֶד.	אֲרֵי עַבְדַּי אִנּוּן, דְּאַפֵּיקִית יָתְהוֹן מֵאַרְעָא דְּמִצְרָיִם; לָא יִזְדַּבְּנוּן, זִבּוּן עַבְדִּין.
כה,מג לֹא-תִרְדֶּה בוֹ, בְּפָרֶךְ; וְיָרֵאתָ, מֵאֱלֹהֶיךָ.	לָא תִּפְלַח בֵּיהּ, בְּקַשְׁיוּ; וְתִדְחַל, מֵאֱלָהָךְ.
כה,מד וְעַבְדְּךָ וַאֲמָתְךָ, אֲשֶׁר יִהְיוּ-לָךְ:  מֵאֵת הַגּוֹיִם, אֲשֶׁר סְבִיבֹתֵיכֶם--מֵהֶם תִּקְנוּ, עֶבֶד וְאָמָה.	וְעַבְדָּךְ וְאַמְתָּךְ, דִּיהוֹן לָךְ:  מִן עַמְמַיָּא, דִּבְסַחְרָנֵיכוֹן--מִנְּהוֹן תִּקְנוֹן, עַבְדִּין וְאַמְהָן.
כה,מה וְגַם מִבְּנֵי הַתּוֹשָׁבִים הַגָּרִים עִמָּכֶם, מֵהֶם תִּקְנוּ, וּמִמִּשְׁפַּחְתָּם אֲשֶׁר עִמָּכֶם, אֲשֶׁר הוֹלִידוּ בְּאַרְצְכֶם; וְהָיוּ לָכֶם, לַאֲחֻזָּה.	וְאַף מִבְּנֵי תּוֹתָבַיָּא עַרְלַיָּא דְּדָיְרִין עִמְּכוֹן, מִנְּהוֹן תִּקְנוֹן, וּמִזַּרְעִיתְהוֹן דְּעִמְּכוֹן, דְּאִתְיַלַּדוּ בַּאֲרַעְכוֹן; וִיהוֹן לְכוֹן, לְאַחְסָנָא.
כה,מו וְהִתְנַחַלְתֶּם אֹתָם לִבְנֵיכֶם אַחֲרֵיכֶם, לָרֶשֶׁת אֲחֻזָּה--לְעֹלָם, בָּהֶם תַּעֲבֹדוּ; וּבְאַחֵיכֶם בְּנֵי-יִשְׂרָאֵל אִישׁ בְּאָחִיו, לֹא-תִרְדֶּה בוֹ בְּפָרֶךְ.  {ס}	וְתַחְסְנוּן יָתְהוֹן לִבְנֵיכוֹן בָּתְרֵיכוֹן, לִירֻתַּת אַחְסָנָא--לְעָלַם, בְּהוֹן תִּפְלְחוּן; וּבַאֲחֵיכוֹן בְּנֵי יִשְׂרָאֵל גְּבַר בַּאֲחוּהִי, לָא תִּפְלַח בֵּיהּ בְּקַשְׁיוּ.  {ס}
כה,מז וְכִי תַשִּׂיג, יַד גֵּר וְתוֹשָׁב עִמָּךְ, וּמָךְ אָחִיךָ, עִמּוֹ; וְנִמְכַּר, לְגֵר תּוֹשָׁב עִמָּךְ, אוֹ לְעֵקֶר, מִשְׁפַּחַת גֵּר.	וַאֲרֵי תַּדְבֵּיק, יַד עֲרַל וְתוֹתָב עִמָּךְ, וְיִתְמַסְכַּן אֲחוּךְ, עִמֵּיהּ; וְיִזְדַּבַּן, לַעֲרַל תּוֹתָב דְּעִמָּךְ, אוֹ לְאַרְמַאי, מִזַּרְעִית גִּיּוֹרָא.
כה,מח אַחֲרֵי נִמְכַּר, גְּאֻלָּה תִּהְיֶה-לּוֹ:  אֶחָד מֵאֶחָיו, יִגְאָלֶנּוּ.	בָּתַר דְּאִזְדַּבַּן, פֻּרְקָנָא יְהֵי לֵיהּ:  חַד מֵאֲחוֹהִי, יִפְרְקִנֵּיהּ.
כה,מט אוֹ-דֹדוֹ אוֹ בֶן-דֹּדוֹ, יִגְאָלֶנּוּ, אוֹ-מִשְּׁאֵר בְּשָׂרוֹ מִמִּשְׁפַּחְתּוֹ, יִגְאָלֶנּוּ; אוֹ-הִשִּׂיגָה יָדוֹ, וְנִגְאָל.	אוֹ אַחְבּוּהִי אוֹ בַּר אַחְבּוּהִי, יִפְרְקִנֵּיהּ, אוֹ מִקָּרִיב בִּסְרֵיהּ מִזַּרְעִיתֵיהּ, יִפְרְקִנֵּיהּ; אוֹ דְּתַדְבֵּיק יְדֵיהּ, וְיִתְפְּרֵיק.
כה,נ וְחִשַּׁב, עִם-קֹנֵהוּ, מִשְּׁנַת הִמָּכְרוֹ לוֹ, עַד שְׁנַת הַיֹּבֵל; וְהָיָה כֶּסֶף מִמְכָּרוֹ, בְּמִסְפַּר שָׁנִים, כִּימֵי שָׂכִיר, יִהְיֶה עִמּוֹ.	וִיחַשֵּׁיב, עִם זָבְנֵיהּ, מִשַּׁתָּא דְּאִזְדַּבַּן לֵיהּ, עַד שַׁתָּא דְּיוֹבֵילָא; וִיהֵי כְּסַף זְבִינוֹהִי, בְּמִנְיַן שְׁנַיָּא, כְּיוֹמֵי אֲגִירָא, יְהֵי עִמֵּיהּ.
כה,נא אִם-עוֹד רַבּוֹת, בַּשָּׁנִים--לְפִיהֶן יָשִׁיב גְּאֻלָּתוֹ, מִכֶּסֶף מִקְנָתוֹ.	אִם עוֹד סַגְיוּת, בִּשְׁנַיָּא--לְפוֹמְהוֹן יָתִיב פֻּרְקָנֵיהּ, מִכְּסַף זְבִינוֹהִי.
כה,נב וְאִם-מְעַט נִשְׁאַר בַּשָּׁנִים, עַד-שְׁנַת הַיֹּבֵל--וְחִשַּׁב-לוֹ; כְּפִי שָׁנָיו, יָשִׁיב אֶת-גְּאֻלָּתוֹ.	וְאִם זְעֵיר אִשְׁתְּאַר בִּשְׁנַיָּא, עַד שַׁתָּא דְּיוֹבֵילָא--וִיחַשֵּׁיב לֵיהּ; כְּפֹם שְׁנוֹהִי, יָתִיב יָת פֻּרְקָנֵיהּ.
כה,נג כִּשְׂכִיר שָׁנָה בְּשָׁנָה, יִהְיֶה עִמּוֹ; לֹא-יִרְדֶּנּוּ בְּפֶרֶךְ, לְעֵינֶיךָ.	כַּאֲגִיר שְׁנָא בִּשְׁנָא, יְהֵי עִמֵּיהּ; לָא יִפְלַח בֵּיהּ בְּקַשְׁיוּ, לְעֵינָךְ.
כה,נד וְאִם-לֹא יִגָּאֵל, בְּאֵלֶּה--וְיָצָא בִּשְׁנַת הַיֹּבֵל, הוּא וּבָנָיו עִמּוֹ.	וְאִם לָא יִתְפְּרֵיק, בְּאִלֵּין--וְיִפּוֹק בְּשַׁתָּא דְּיוֹבֵילָא, הוּא וּבְנוֹהִי עִמֵּיהּ.
כה,נה כִּי-לִי בְנֵי-יִשְׂרָאֵל, עֲבָדִים--עֲבָדַי הֵם, אֲשֶׁר-הוֹצֵאתִי אוֹתָם מֵאֶרֶץ מִצְרָיִם:  אֲנִי, יְהוָה אֱלֹהֵיכֶם.	אֲרֵי דִּילִי בְּנֵי יִשְׂרָאֵל, עַבְדִּין--עַבְדַּי אִנּוּן, דְּאַפֵּיקִית יָתְהוֹן מֵאַרְעָא דְּמִצְרָיִם:  אֲנָא, יְיָ אֱלָהֲכוֹן.
כו,א לֹא-תַעֲשׂוּ לָכֶם אֱלִילִם, וּפֶסֶל וּמַצֵּבָה לֹא-תָקִימוּ לָכֶם, וְאֶבֶן מַשְׂכִּית לֹא תִתְּנוּ בְּאַרְצְכֶם, לְהִשְׁתַּחֲו‍ֹת עָלֶיהָ:  כִּי אֲנִי יְהוָה, אֱלֹהֵיכֶם.	לָא תַּעְבְּדוּן לְכוֹן טָעֲוָן, וְצֵילַם וְקָמָא לָא תְּקִימוּן לְכוֹן, וְאֶבֶן סִגְדָּא לָא תִּתְּנוּן בַּאֲרַעְכוֹן, לְמִסְגַּד עֲלַהּ:  אֲרֵי אֲנָא יְיָ, אֱלָהֲכוֹן.
כו,ב אֶת-שַׁבְּתֹתַי תִּשְׁמֹרוּ, וּמִקְדָּשִׁי תִּירָאוּ:  אֲנִי, יְהוָה.  {פ}	יָת יוֹמֵי שַׁבַּיָּא דִּילִי תִּטְּרוּן, וּלְבֵית מַקְדְּשִׁי תְּהוֹן דָּחֲלִין:  אֲנָא, יְיָ.  {פ}